28.07.2026 | 21:35
1 տրիլիոն դրամից ավելի ավանդներ, 800 մլրդ դրամ վարկեր․ Ամերիաբանկն ամփոփել է մանրածախ բանկինգի 2026-ի առաջին կիսամյակը
Ստամբուլում ոգեկոչում են Հրանտ Դինքի հիշատակը․ ԼՈՒՍԱՆԿԱՐՆԵՐ
Քաղաքականություն
19.01.2026 | 17:28
Ստամբուլի Շիշլի թաղամասի Սեբաթ բազմաբնակարանային շենքի առջև այսօր մարդկանց բազմություն է հավաքվել՝ սպանության 19-րդ տարելիցին հարգանքի տուրք մատուցելու հայ լրագրող Հրանտ Դինքի հիշատակին, գրում է Bianet-ը։
Հայերեն-թուրքերեն «Ակոս» թերթի հիմնադիր և գլխավոր խմբագիր Դինքը սպանվել է 2007 թվականի հունվարի 19-ին՝ թերթի այն ժամանակվա գրասենյակի շենքի դիմաց։
Չնայած ցուրտ եղանակին և ձյան տեղումներին, Հալասկարգազի պողոտան այսօր բավական մարդաշատ է եղել։ Նշվում է, որ իշխանությունները փակել են ճանապարհը երկու ուղղություններով՝ միջոցառումն անցկացնելու համար։
Հավաքի մասնակիցները «Մենք այստեղ ենք, ախպարիգ», «Մենք բոլորս Հրանտ ենք, մենք բոլորս հայ ենք», «Մենք չենք հանձնվում, ախպարիգ» գրությամբ պաստառներով են։ Նրանք նաև վանկարկել են՝ «Այս դատավարությունը չի ավարտվի, մինչև մենք չասենք, որ այն ավարտվել է» և «Հրանտը իմ եղբայրն է՝ չնայած ֆաշիզմին»։
Թարգմանությունը՝ Էմմա Չոբանյանի
