18.08.2026 | 20:28
ՌԴ ԿԸՀ նախագահը հայտարարել է, որ «երկիրը լքած և դավաճանած» ռուսները պետք է զրկվեն ընտրություններում քվեարկելու իրավունքից
Կրեմլից հայտարարել են՝ Թրամփը պատմության մեջ կմտնի, եթե միացնի Գրենլանդիան ԱՄՆ-ին
Քաղաքականություն
19.01.2026 | 15:47
Անհնար է չհամաձայնել այն կարծիքի հետ, որ Միացյալ Նահանգներին Գրենլանդիայի միացման հարցը լուծելով՝ նախագահ Դոնալդ Թրամփը կմտնի համաշխարհային պատմության մեջ։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Այստեղ մենք, հավանաբար, կարող ենք մի կողմ թողնել այն հարցը՝ սա լա՞վ է, թե՞ վատ, համապատասխանո՞ւմ է միջազգային իրավունքին, թե՞ ոչ։ Բայց կան միջազգային փորձագետներ, որոնք կարծում են, որ Գրենլանդիայի միացման հարցը լուծելով՝ Թրամփը, անկասկած, պատմության մեջ կմտի։ Եվ ոչ միայն Միացյալ Նահանգների, այլև համաշխարհային պատմության մեջ»,- ասել է Պեսկովը՝ պատասխանել հարցին, թե ինչպես է Կրեմլը մեկնաբանում Թրամփի հայտարարությանը, որ նա մտադիր է վերացնել Գրենլանդիայի նկատմամբ ռուսական սպառնալիքը, քանի որ Դանիան դա չի արել։
«Ընդհանուր առմամբ, վերջին օրերին շատ անհանգստացնող տեղեկություններ են ստացվում։ Իհարկե, մենք ուշադիր հետևում ենք ամեն ինչին, ինչ տեղի է ունենում և վերլուծում ենք այն։ Ինչ վերաբերում է Դանիայի և Գրենլանդիայի վերաբերյալ մեր ծրագրերին, ես մնում եմ առանց մեկնաբանությունների»,- ասել է Կրեմլի խոսնակը։
Թարգմանությունը՝ Էմմա Չոբանյանի
