17.05.2026 | 14:43
Ժաննա Անդրեասյանն այցելել է Բաղաբերդի ամրոց
Աֆրիկայի ազգերի գավաթի եզրափակիչը սկանդալային է ստացվել․ ՏԵՍԱՆՅՈՒԹ
19.01.2026 | 10:53
Սենեգալի հավաքականը նվաճել է Մարոկկոյում ավարտված ֆուտբոլի Աֆրիկայի ազգերի գավաթի խաղարկության չեմպիոնի տիտղոսը։
Եզրափակիչում սենեգալցիները լրացուցիչ ժամանակում նվազագույն հաշվով հաղթել են Մարոկկոյի հավաքականին։ Հաղթական գոլը 94-րդ րոպեին խփել է իսպանական «Վիլյառեալի» կիսապաշտպան Պապե Գեյեն։
Հանդիպման հիմնական ժամանակի ավելացված 8-րդ րոպեին գլխավոր մրցավարը 11-մետրանոց հարված է նշանակել Սենեգալի հավաքականի դարպասին։ Դրանից հետո սենեգալցիները հրաժարվել են շարունակել խաղը և ուղևորվել են հանդերձարան։ Այնուամենայնիվ, քիչ անց Սենեգալի հավաքականը վերադարձել է խաղադաշտ և որոշել շարունակել հանդիպումը։ Մադրիդի «Ռեալի» հարձակվող Բրաիմ Դիասն էլ վրիպել է 11-մետրանոցից և խաղը տեղափոխվել է լրացուցիչ ժամանակ, որի սկզբնամասում սենեգալցիները խփել են հաղթական գոլը։
Սենեգալի հավաքականը պատմության մեջ երկրորդ անգամ է դարձել Աֆրիկայի ազգերի գավաթակիր՝ կրկնելով 2021 թվականի հաջողությունը։
