18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Իլոն Մասկը հայց է ներկայացրել OpenAI-ի և Microsoft-ի դեմ՝ պահանջելով մինչև 134 միլիարդ դոլարի փոխհատուցում
Քաղաքականություն
18.01.2026 | 15:30
Իլոն Մասկը պնդում է, որ OpenAI ընկերությունը (ChatGPT-ի մշակողը) իրեն խաբել է, երբ հրաժարվել է ոչ առևտրային կարգավիճակից և գործընկերություն է հաստատել Microsoft-ի հետ։ Մասկի կարծիքով՝ այդ քայլով իրեն զրկել են 2015 թվականին ստարտափի հիմնադրման ժամանակ իր ներդրած 38 միլիոն դոլարի դիմաց ստացվելիք շահույթից։
«Առանց Իլոն Մասկի OpenAI չէր լինի։ Նա ապահովել է մեկնարկային ֆինանսավորման հիմնական մասը, իր հեղինակությունը և նրանց սովորեցրել է այն ամենը, ինչ գիտի մասշտաբավորման մասին»,-Reuters գործակալությանը ասել է Մասկի փաստաբան Սթիվեն Մոլոն։
Մասկի պահանջած փոխհատուցման չափը հաշվարկել է փորձագետ Սի Փոլ Վազզանը, որի գնահատմամբ՝ OpenAI-ի «անօրինական շահույթը» կազմում է 65.5-ից 109.4 միլիարդ դոլար, իսկ Microsoft-ինը՝ 13.3-ից 25 միլիարդ դոլար։
Երկու ընկերություններն էլ քննադատել են փորձագետի հաշվարկները։
«Վազզանի մեթոդաբանությունը հորինված է, նրա արդյունքները հնարավոր չէ ստուգել, իսկ մոտեցումն ինքնին աննախադեպ է»,-նշել են փաստաբանները։
OpenAI-ն Մասկի պահանջը որակել է «անլուրջ» և այն դիտարկել որպես «մշտական հետապնդման արշավի» մի մաս։
