16.01.2026 | 18:43
Չինաստանը և Կանադան հայտարարում են մաքսատուրքերի մեղմացման մասին Քարնիի և Սի Ցզինպինի միջև Պեկինում հանդիպումից հետո
ՀՀ պաշտոնյաները ստանում են ոչ բավարար աշխատավարձ․ Սիմոնյանը հիմնավորում է միլիոնների պարգևավճարները․ ՏԵՍԱՆՅՈՒԹ
Քաղաքականություն
16.01.2026 | 15:37
«Հայաստանի Հանրապետության պաշտոնյաները ստացել են և ստանում են ոչ բավարար աշխատավարձ»,- խորհրդարանում լրագրողների հետ զրույցում ասաց ԱԺ խոսնակ Ալեն Սիմոնյանը՝ անդրադառնալով պատգամավորների 7 կառավարության անդամների միլիոնների հասնող պարգևավճարներին։
«Այն մարդիկ, ովքեր ուզում են, որ Հայաստանի Հանրապետության յուրաքանչյուր քաղաքացի լավ ապրի, պետք է ունենան մարդկանց, ովքեր դա կիրականացնեն։ Իսկ այն մարդիկ, ովքեր պետք է դա իրականացնեն, չեն կարող լինել ոչ արհեստավարժ, չեն կարող գալ այստեղ և դառնալ կոռուպցիայի ինչ-որ մասնիկ, որովհետև իրենց չի բավարարել և չի բավարարում այն աշխատավարձը, որը տրվում է»,- նշեց Սիմոնյանը։
Պատգամավորի խոսքով՝ որպեսզի ինքնաթիռը A կետից B կետ հասնի, ապա օդաչուն պետք է լինի արհեստավարժ, լավ վճարվող։
Վարչապետ Նիկոլ Փաշինյանը ևս անդրադարձել է պարգևավճարներին՝ բացատրելով, որ այդ կերպ պաշտոյաներին պաշտպանում են կոռուպցիոն ռիսկերից։ Նշենք, որ դեկտեմբերին վարչապետի աշխատակազմը 417 մլն դրամ պարգևավճար է ստացել։
Մանրամասները՝ տեսանյութում։
