07.03.2026 | 12:16
Երուսաղեմում պայթյուն է որոտացել․ ԶԼՄ-ներ
Պուտինը Իրանի շուրջ ստեղծված իրավիճակը քննարկել է Փեզեշքիանի և Նեթանյահուի հետ
Քաղաքականություն
16.01.2026 | 16:16
Ռուսաստանի նախագահ Վլադիմիր Պուտինը Իսրայելի վարչապետ Բենիամին Նեթանյահուի հետ հեռախոսազրույցում քննարկել է Մերձավոր Արևելքում և Իրանում շուրջ տիրող իրավիճակը, գրում է Ինտերֆաքսը։
Կրեմլի մամուլի ծառայության հաղորդմամբ՝ Պուտինը «ներկայացրել է սկզբունքային մոտեցումները՝ տարածաշրջանում կայունությունն ու անվտանգությունն ապահովելու համար քաղաքական և դիվանագիտական քայլերի ակտիվացման օգտին»։
«Ռուսական կողմը հաստատել է իր պատրաստակամությունը՝ շարունակել համապատասխան միջնորդական ջանքեր գործադրել և խթանել կառուցողական երկխոսությունը բոլոր շահագրգիռ պետությունների մասնակցությամբ»,- ասվում է հայտարարության մեջ։
Նշվում է, որ համաձայնություն է ձեռք բերվել շարունակել շփումները տարբեր մակարդակներում։
Բացի այդ, Պուտինը հեռախոսազրույց է ունեցել Իրանի նախագահ Մասուդ Փեզեշքիանի հետ։ Կրեմլը կտեղեկացնի մանրամասների մասին, հայտարարել է ՌԴ նախագահի մամուլի քարտուղար Դմիտրի Պեսկովը։
«Նախագահը շարունակում է իր ջանքերը՝ տարածաշրջանում լարվածության թուլացմանը նպաստելու համար»,- հավելել է Պեսկովը։
Թարգմանությունը՝ Էմմա Չոբանյանի
