07.03.2026 | 11:18
Իսրայելը Իրանի ստորգետնյա բալիստիկ հրթիռների գործարանի ու ռազմական ակադեմիայի վրա շուրջ 230 ռումբ է նետել․ TheTtimes of Israel
Էսօրվանից պիտի պատրաստվենք․ Փաշինյանը՝ TRIPP-ի մասին․ ՏԵՍԱՆՅՈՒԹ
Քաղաքականություն
15.01.2026 | 16:56
«Երեկ Հայաստանի Հանրապետության և Միացյալ Նահանգների կառավարության անունից տարածվեց TRIPP-ի իրագործման շրջանակի վերաբերյալ համատեղ հայտարարությունը։ Եվ կարծում եմ, որ մենք պետք է գնահատենք այդ հայտարարության նշանակությունը, որովհետև 2025 թվականի օգոստոսի 8-ի հայտարարությունից հետո սա հաջորդ անկյունաքարային հայտարարությունն է, որով խաղաղության գործընթացի կարևորագույն և սկզբունքային հարցերից մեկը՝ տարածաշրջանային հաղորդակցության ապաշրջափակումը, շրջանակային մակարդակում լուծվում է, որտեղ հասցեագրվում են բոլոր սկզբունքային հարցերը»,- Կառավարության նիստին ասաց վարչապետ Նիկոլ Փաշինյանը։
«Հայտարարության իմաստը և գործնական նշանակությունն այն է, որ խաղաղությունը շատ կոնկրետ և գործնական քայլերով հաստատվում է մեր Հանրապետությունում և տարածաշրջանում։ Մեզ անհրաժեշտ է, որ մենք խնամքով վերաբերվենք հաստատված խաղաղությանը։ Մենք պետք է հնարավորինս արագ երեկվա հայտարարությունից բխող գործողություններն անենք։ Որո՞նք են էդ գործողությունները․ նախ՝ պետք է դրանք արդեն դե յուրե համաձայնագրերի տեսքով ընդունվեն, համաձայնագրերի նախագծերի շուրջ արդեն անհրաժեշտ և նաև իրավական որոշումների վրա մենք կսկսենք աշխատել։ Մասնավորապես՝ TRIPP անունով ընկերությունը պետք է ստեղծվի Հայաստանի Հանրապետությունում, նաև մենք պետք է երթուղիները, ուղիները որոշենք, կառուցապատման իրավունքների, հողի օգտագործման, շինարարությունների թույլտվությունների… Ես կարծում եմ, որ մենք էսօրվանից պետք է պատրաստվենք, որպեսզի ամեն ինչ պատշաճ ձևով և ժամկետներում իրականացնենք»,- ընդգծեց Նիկոլ Փաշինյանը։
Նշենք, որ Հայաստանը մտադիր է ԱՄՆ-ին առաջարկել TRIPP զարգացման ընկերության 74% մասնաբաժինը և պահպանել 26% մասնաբաժինը։ Ակնկալվում է, որ այս համագործակցությունը կերկարաձգվի ևս 50 տարով՝ Հայաստանի կառավարությանը հավելյալ սեփականության տրամադրմամբ՝ մասնաբաժինը դարձնելով 49%։
Մանրամասները՝ տեսանյութում։
