Քաղաքականություն
14.01.2026 | 16:34
Թուրքիայի արտաքին գործերի նախարար Հաքան Ֆիդանը հեռախոսազրույց է ունեցել Իրանի արտաքին գործերի նախարար Աբբաս Արաղչիի հետ, գրում է TRT Haber-ը։
Ֆիդանն ընդգծել է տարածաշրջանային լարվածության կարգավորման համար բանակցությունների անհրաժեշտությունը, տեղեկությունը Թուրքիայի արտաքին գործերի նախարարության աղբյուրը հայտնել է Reuters-ին։
Թուրքական դիվանագիտական աղբյուրը հայտնել է նաև, որ Թուրքիան կապի մեջ է ԱՄՆ պաշտոնյաների հետ՝ նախագահ Դոնալդ Թրամփի կողմից Իրանում տեղի ունեցող համազգային բողոքի ցույցերին միջամտելու սպառնալիքների ֆոնին։ Ավելի վաղ իրանցի բարձրաստիճան պաշտոնյան հայտարարել էր, որ Թեհրանի և Վաշինգտոնի միջև ուղիղ կապը դադարեցվել է, գրում է France 24-ը։
Նշենք, որ նախօրեին ուշ երեկոյան Ֆիդանը և Արաղչին ևս մեկ հեռախոսազրույց էին ունեցել։ Նրանք քննարկել են Իրանում տեղի ունեցող վերջին զարգացումները։
Թարգմանությունը՝ Էմմա Չոբանյանի
