28.07.2026 | 22:38
Հաղթանակի զբոսայգու գլխավոր մուտքի կամարն ու հարակից պատերը գեղարվեստական լուսավորություն կստանան
ՀՀ ԱԺ հանձնաժողովը հավանություն տվեց Հայաստանի և Վրաստանի միջև ռեադմիսիայի մասին համաձայնագրի վավերացմանը
14.01.2026 | 14:35
Հայաստանի Ազգային ժողովի Արտաքին հարաբերությունների մշտական հանձնաժողովը հավանություն տվեց «Հայաստանի Հանրապետության կառավարության և Վրաստանի կառավարության միջև առանց թույլտվության բնակվող անձանց հետընդունման (ռեադմիսիայի) մասին» համաձայնագիրը վավերացնելու մասին հարցին: Հանձնաժողովի նիստում հարցը ներկայացրեց Ներքին գործերի նախարարի տեղակալ Արմեն Ղազարյանը:
«Համաձայնագիրն առնչվում է երկու պետությունների տարածքում գտնվող միմյանց քաղաքացիներին, որոնք տվյալ երկրներում են գտնվում առանց օրինական հիմքերի: Համաձայնագիրը սահմանում է ընթացակարգեր, որոնցով երկու երկրների պետական լիազոր մարմինները կարող են նշված անձանց վերաբերյալ տեղեկություն փոխանակել․ քաղաքացիության անհստակության պարագայում՝ սահմանվում են այն փաստաթղթերը, որոնց միջոցով ճշտվում է անձի քաղաքացիությունը»,- ասաց Ղազարյանը:
Նախարարի տեղակալը նշել է, որ համաձայնագրի նպատակն անօրինական միգրացիայի կանխարգելումն ու զսպումն է և միգրացիոն ոլորտում գործակցության հաստատումը:
«Հայաստանի Հանրապետության կառավարության և Վրաստանի կառավարության միջև առանց թույլտվության բնակվող անձանց հետընդունման (ռեադմիսիայի) մասին» համաձայնագիրը վավերացնելու հարցը կքննարկվի խորհրդարանի լիագումար նիստում:
