Քաղաքականություն
08.11.2018 | 11:35
Ազգային ժողովի «Հանրապետական» խմբակցության պատգամավոր Արմեն Աշոտյանը Կառավարության համաձայնությանն էր ներկայացրել որոշման նախագիծ, որով առաջարկվում է փոփոխություններ և լրացումներ կատարել «Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքում։
Հաշվի առնելով վերջին շրջանում հանրության և զանգվածային լրատվամիջոցների հետաքրքրությունը և հասարակական քննարկումները բարձրաստիճան պաշտոնատար անձանց կողմից վարչապետին տրամադրվող ինքնաթիռի և ուղղաթիռի օգտագործման վերաբերյալ, պատգամավորն առաջարկել էր ապահովել թափանցիկություն ՀՀ պետական բյուջեի միջոցների հաշվին կատարվող ծախսերի նկատմամբ:
Կառավարությունը մերժեց Արմեն Աշոտյանի ներկայացրած նախագիծը, քանի որ, այն ընդունվելու կամ չընդունվելու դեպքում, Հայաստանի Հանրապետության պետական բյուջեի և համայնքների բյուջեների մուտքերի և ելքերի, ինչպես նաև բյուջետային բնագավառում քաղաքականության փոփոխմանը չի հանգեցնում:
Մանրամասները՝ տեսանյութում։
