Ռուսական հարվածների հետևանքով Դնեպրոպետրովսկի և Զապորոժիեի մարզերը գրեթե ամբողջությամբ հոսանքազրկվել են 

Ռուսական զորքերը հունվարի 7-ի երեկոյան հարձակվել են Ուկրաինայի էներգետիկ ենթակառուցվածքների վրա, որի հետևանքով Դնեպրոպետրովսկի և Զապորոժիեի մարզերը գրեթե լիովին հոսանքազրկվել են, հայտնել է Ուկրաինայի էներգետիկայի նախարարությունը, գրում է Current time-ը։

Դնեպրոպետրովսկի մարզային ռազմական վարչակազմի ղեկավարի պաշտոնակատար Վլադիսլավ Գայվանենկոն հունվարի 8-ի առավոտյան գրել է, որ մարզի մի մասը դեռևս էլեկտրաէներգիա չունի։ Նա հավելել է, որ ձեռնարկվում են բոլոր անհրաժեշտ միջոցները՝ սպառողների էլեկտրաէներգիան վերականգնելու համար։

Դնեպրի քաղաքապետ Բորիս Ֆիլատովի խոսքով՝ այսօր Դնեպրում էլեկտրական տրանսպորտը կփոխարինի ավտոբուսներին։ «Ուկրզալիզնիցան» նախազգուշացրել է, որ տարածաշրջանի բոլոր գնացքներն անցնում են պահեստային դիզելային շարժիչների, չորս գնացք ուշացել է։

Առավոտյան Զապորոժիեի շրջանում էլեկտրաէներգիան վերականգնվել է։ «Զապորոժիեоբլէներգոյի» ղեկավար Անդրեյ Ստասևսկին հայտնել է, որ հունվարի 7-ին, ժամը 22:00-ի սահմաններում, տարածաշրջանը հոսանքազրկվել է՝ ռուսական անօդաչու թռչող սարքերի զանգվածային հարձակման հետևանքով։

«Վերականգնողական աշխատանքները սկսվել են անմիջապես և շարունակվել են ամբողջ գիշեր»,- նշել է նա։

Զապորոժիեի մարզային վարչակազմի ղեկավար Իվան Ֆյոդորովի խոսքով՝ տարածաշրջանի բոլոր կաթսայատները էլեկտրաէներգիա ունեն և աշխատում են բնականոն ռեժիմով։ Ջեռուցումը շարունակում է  բնակիչների տներում։

Ռուսական զորքերը գիշերը հարձակվել են Ուկրաինայի վրա 97 անօդաչու թռչող սարքերով, որոնցից 70-ը «խոցվել կամ ճնշվել» են առավոտյան ժամը 8:00-ի դրությամբ, հայտարարել են Ուկրաինայի ռազմաօդային ուժերը։

Առավոտյան տարածված հաղորդագրության համաձայն՝ գրանցվել է ընդհանուր առմամբ 27 հարվածային անօդաչու թռչող սարքերի հարվածներ 13 վայրերում։

Թարգմանությունը՝ Էմմա Չոբանյանի