13.05.2026 | 18:02
Թրամփը Վենեսուելայի քարտեզն է հրապարակել՝ ԱՄՆ դրոշի գույներով
Էկոնոմիկայի նախարարությունը հաստատում է․ Ադրբեջանից բենզինի նոր խմբաքանակ է գալիս Հայաստան
Քաղաքականություն
08.01.2026 | 10:53
Ադրբեջանից բենզինի նոր խմբաքանակ է ներկրվում Հայաստան։ Այս մասին Factor TV-ի հարցմանն ի պատասխան հայտնում են Էկոնոմիկայի նախարարությունից՝ առանց մանրամասներ հայտնելու։
Ավելի վաղ ադրբեջանական լրատվամիջոցները հաղորդել են, որ հունվարի 8-ին Ադրբեջանից Հայաստան նավթամթերքի հաջորդ խմբաքանակը կուղարկվի Գյուզդեկի երկաթուղային և Բաքվի բեռնատար կայարաններից։
APA գործակալության տվյալներով՝ Հայաստան կտեղափոխի 1000 տոննա AI 92-րդ կարգի բենզին, 1000 տոննա դիզելային վառելիք և 1800 տոննա AI 95-րդ կարգի բենզին։
Հիշեցնենք՝ դեկտեմբերին Հայաստան հասավ ադրբեջանական բենզինի առաջին խմբաքանակը՝ 22 վագոն։ SOCAR-ի AI-95 տեսակի բենզինի ներմուծողները հայկական երկու ընկերություններ են՝ Խաչատուր Սուքիասյանի ընտանիքին պատկանող «Մեգա Թրեյդ»-ը և Սամվել Ալեքսանյանի ընտանիքի հետ փոխկապակցված «Շիշա ուորլդ»-ը։
Սա երկու երկրների միջև տասնամյակների ընթացքում կնքված առաջին ուղղակի առևտրային գործարքն էր։
Եվգենյա Համբարձումյան
