09.08.2026 | 16:37
Վթարային ջրանջատում Կտայքում և Երևանում
ԱՄՆ միջանկյալ ընտրություններում դեմոկրատները հանրապետականներից «վերցրել» են Ներկայացուցիչների պալատում վերահսկողությունը
Քաղաքականություն
07.11.2018 | 13:01
Նոյեմբերի 7-ին ԱՄՆ-ում անցկացված Կոնգրեսի միջանկյալ ընտրությունների արդյունքում դեմոկրատներին հաջողվել է հանրապետականներից «վերցրել» Ներկայացուցիչների պալատում վերահսկողությունը, գրում է ՌԻԱ Նովոստին:
Սենատում, սակայն, հանրապետականները ոչ միայն պահպանել են մեծամասնությունը, այլև ամրապնդել դիրքերը՝ մրցակիցներից լրացուցիչ տեղեր վերցնելով:
Ավանդաբար միջանկյալ ընտրություններում հաղթում է ընդդիմությունը, քանի որ ընտրողները ձգտում են հավասարակշռել իշխող կուսակցության ազդեցությունը: Մինչ այս, հանրապետականները վերահսկում էին Կոնգրեսի երկու պալատները, ինչպես նաև Սպիտակ տունը:
Վաշինգտոնի Ամերիկյան համալսարանի պրոֆեսոր, պետական կառավարման հարցերի մասնագետ Դևիդ Լաբլինը ՌԻԱ Նովոստիին ասել է, որ դեմոկրատները, մեծամասնություն ստանալով Կոնգրեսի երկու պալատներից մեկում, կուժեղացնեն հանրապետական նախագահ Դոնալդ Թրամփի վրա ճնշումը:
Սոցհարցումների համաձայն՝ այս ընտրություններում ամերիկացիների համար առաջնային էին միգրացիայի, առողջապահության և տնտեսության խնդիրները:
