16.11.2024 | 16:41
Հայաստանի ազգային հավաքականը մեկնել է Lատվիա
Իտալիայում ջրհեղեղների հասցրած վնասն ավելի քան 3 մլրդ եվրո է կազմում
Քաղաքականություն
06.11.2018 | 18:15
Իտալիայում անբարենպաստ եղանակային պայմանների հետևանքով մի քանի միլիարդ եվրոյի վնաս են հաշվարկել: Այս մասին գրում է News.ru-ն՝ վկայակոչելով ANSA գործակալությունը:
«Ենթադրաբար, շրջանների մեծ մասում վնասի ընդհանուր գումարը գերազանցել է 3 մլրդ եվրոն»,- ասել է Իտալիայի ենթակառուցվածքների և տրանսպորտի նախարար Դանիլո Տոնինելլին:
Նա նաև հաստատել է տեղեկությունը, որ Իտալիայի Նախարարների խորհրդին առընթեր քաղաքացիական պաշտպանության դեպարտամենտը մտադիր է դիմել Ֆինանսական կայունության եվրոպական հիմնադրամին՝ ջրհեղեղների հետևանքների վերացման համար նյութական օգնություն խնդրելու նպատակով:
Նախարարների խորհուրդը կարող է նաև արտակարգ դրություն սահմանել երկրի առավելապես տուժած շրջաններում՝ աղետի հետևանքներն առաջնահերթ վերացնելու գործողությունների համար:
Նշենք, որ Իտալիայում փոթորիկ ու ջրհեղեղների հետևանքով զոհերի թիվը հասել է 30-ի, որից 12-ը, այդ թվում՝ 3 երեխա, Սիցիլիա կղզում:
