01.10.2026 | 10:33
2027-ի բյուջեն՝ 3 տրիլիոն 603.8 միլիարդ դրամ․ դեֆիցիտը կկազմի շուրջ 468.2 միլիարդ դրամ
Սպերցյանն առաջ է անցել Մխիթարյանից ու ճանաչվել Հայաստանի լավագույն ֆուտբոլիստ
26.12.2025 | 20:38
Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» մրցանակի քվեարկության արդյունքները։
17 ձայնով հաղթող է ճանաչվել Հայաստանի ազգային հավաքականի ու ռուսական «Կրասնոդարի» կիսապաշտպան Էդուարդ Սպերցյանը։
25-ամյա ֆուտբոլիստն առաջ է անցել Հայաստանի հավաքականի պատմության լավագույն ռմբարկու, իտալական «Ինտերի» կիսապաշտպան Հենրիխ Մխիթարյանից, որը ստացել է 8 ձայն։ Տարվա լավագույն ֆուտբոլիստի մրցանակի մյուս հավակնորդները ձայն չեն ստացել։
Քվեարկությանը մասնակցել են ԶԼՄ-ների ներկայացուցիչներն ու Fastex Պրեմիեր լիգայի մասնակից ակումբները։ Արդյունքներին կարող եք ծանոթանալ այստեղ։
2025 թվականին Էդուարդ Սպերցյանը Հայաստանի հավաքականում խփել է 5 գոլ, իսկ «Կրասնոդարի» կազմում անցյալ մրցաշրջանում պատմության մեջ առաջին անգամ դարձել է Ռուսաստանի չեմպիոն։
Ռուսաստանի ընթացիկ առաջնությունում Հայաստանի հավաքականի ավագը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Նա լավագույնն է «Գոլ+ասիստ» հաշվարկով։
