28.10.2026 | 23:00
Հայաստան–Զիմբաբվե համագործակցությունը՝ ԱԲ-ի և տեխնոլոգիական կրթության ոլորտներում
Վահե Գևորգյանը՝ Հայաստանի լավագույն մարզիչ
26.12.2025 | 20:04
Երևանի «Ալաշկերտը» գլխավորող Վահե Գևորգյանը ճանաչվել է 2025թ․ Հայաստանի լավագույն մարզիչ։
Հայաստանի ֆուտբոլի ֆեդերացիան ամփոփել է Հայաստանի «Տարվա լավագույն մարզիչ» մրցանակի քվեարկությունը, որին մասնակցել են ԶԼՄ-ների ներկայացուցիչներն ու Fastex Պրեմիեր լիգայի մասնակից ակումբները։
38-ամյա մասնագետը ստացել է 13 ձայն։ Երկրորդ տեղը գրավել է Հայաստանի ազգային հավաքականի գլխավոր մարզիչ Եղիշե Մելիքյանը (9 ձայն), եռյակը եզրափակել է «Արարատ-Արմենիայի» նախկին գլխավոր մարզիչ Վարդան Մինասյանը (3 ձայն)։ Քվեարկության արդյունքներին կարող եք ծանոթանալ այստեղ։
Վահե Գևորգյանը կարիերայում առաջին անգամ է արժանանում Հայաստանի լավագույն մարզիչի մրցանակին։ Նա ամռանն է գլխավորել «Ալաշկերտը», որը Հայաստանի ընթացիկ առաջնությունում 15 խաղից հետո ունի 29 միավոր և «Ուրարտուի» ու «Փյունիկի» հետ բաժանում է 2-4-րդ տեղերը։ Անցնող տարում Գևորգյանը գլխավորել է նաև Չարենցավանի «Վանը», որը Fastex Պրեմիեր լիգայի 2024/25 մրցաշրջանում պայքարում էր եվրագավաթների ուղեգրի համար և գրավել էր 5-րդ տեղը։
Հայաստանում Վահե Գևորգյանը գլխավորել է նաև «Նորավանքը», որի հետ դարձել է երկրի գավաթակիր։
