06.10.2026 | 22:22
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Ալիևը հայտարարել է, որ եթե «պատժամիջոցներ կիրառվեին աղքատ Հայաստանի նկատմամբ, կդադարեցներ օկուպացիան»
Քաղաքականություն
24.12.2025 | 20:35
Այսօր աշխարհի տարբեր մասերում տեղի են ունենում պատերազմներ, բախումներ և հակամարտություններ: Ի՞նչ են անում միջազգային կազմակերպությունները կամ ազդեցիկ երկրները անմիջապես: Նրանք պատժամիջոցներ են կիրառում, որոնք նույնպես զգալի ազդեցություն ունեն: Ադրբեջանական լրատվամիջոցների հաղորդմամբ՝ այս մասին հայտարարել է Ադրբեջանի նախագահ Իլհամ Ալիևը Աղդամում բնակիչների հետ հանդիպման ժամանակ:
«Եթե պատժամիջոցներ կիրառվեին այնպիսի փոքր և ոչ հարուստ, կարելի է նույնիսկ ասել՝ աղքատ երկրի նկատմամբ, ինչպիսին է Հայաստանը, նա անպայման կդադարեցներ օկուպացիան։ Սակայն ոչ միայն պատժամիջոցներ չկիրառվեցին, այլև հակառակը, ոմանք նրանց անվճար զենք տրամադրեցին, ոչ թե միլիոնավոր, այլ միլիարդավոր դոլարների»,- հայտարարել է Ադրբեջանի նախագահը։
Ալիևն ասել է, որ այժմ Հայաստանի և Ադրբեջանի միջև ընթանում է խաղաղության գործընթաց։
«Մենք նույնպես այդ գործընթացի նախաձեռնողներն էինք։ Առաջին առաջարկը եկել է մեզանից, և մենք ենք խաղաղության պայմանագրի տեքստի և դրանում ներառված բոլոր դրույթների հեղինակները»,- հայտարարել է նա։
Թարգմանությունը՝ Էմմա Չոբանյանի
