16.11.2024 | 18:40
Քրիստինա Քվինն ու ԱՄՆ դեսպանատան աշխատակիցները հայ ընկերների հետ նշել են ԱՄՆ ծովահետևակային կորպուսի 249-րդ տարեդարձը
Նոր խորհրդարանն անցումային չի լինելու. Ալեն Սիմոնյան. ՏԵՍԱՆՅՈՒԹ
Քաղաքականություն
06.11.2018 | 12:04
Անցումային խորհրդարան չի լինելու: Այսօր՝ նոյեմբերի 6-ին, ՀՀ Ազգային ժողովում լրագրողների հետ զրույցում այս մասին հայտարարեց «Ելք» խմբակցության պատգամավոր Ալեն Սիմոնյանը:
«Նման տրամադրվածություն և քաղաքական պլան չկա: Լինելու է շատ լավ խորհրդարան, որն արտացոլելու է այսօրվա իրողությունները»,- հավելեց պատգամավորը:
Ինչ վերաբերում է «Իմ քայլը» դաշինքի ցուցակի շուրջ մեկնաբանություններին. Սիմոնյանի խոսքով՝ շատ լավ ցուցակ են ունենալու: ««Իմ Քայլը» դաշինքի ընտրացուցակում չեն լինելու այն մարդիկ, ում մասին շրջանառվում են լուրեր, որոնք ձեզ անհանգստացնում են: Նշվել է, որ ՀՀԿ խմբակցությունից լինելու է երկու-երեք մարդ, որոնք չեն հանդիսանում ՀՀԿ կուսակցության անդամ: Որևէ օդիոզ դեմք, որևէ գործարար, որևէ մեկը, ով տանիք է փնտրելու, չի լինելու մեր ցուցակում: Այն բաղկացած է հանրությանը հայտնի մարդկանցից, մեր քաղաքական թիմի անդամներից: Ի վերջո՝ այսօր կա մի իրողություն, երբ ընտրությունը ձերն է, և անկախ նրանից՝ այդ մարդուն ես հավանում եմ, դրական եմ գնահատում, թե բացասական, որոշումը դուք եք կայացնելու»,- նշեց պատգամավորը:
Ալեն Սիմոնյանը նաև վստահեցրեց, որ «Քաղաքացիական պայմանագիր» կուսակցությունում որևէ խմորում չկա՝ կապված ռեյտինգային ցուցակի հետ, ինչի մասին խոսվում է մամուլում:
Մանրամասները՝ տեսանյութում:
