29.10.2026 | 12:24
Նարեկ Կարապետյանի ճեպազրույցը ծեծկռտուքից հետո. ՈւՂԻՂ
Մեսիի քույրն ավտովթարի է ենթարկվել ու ստացել ծանր վնասվածքներ
23.12.2025 | 17:33
Աշխարհի չեմպիոն Արգենտինայի հավաքականի ու ամերիկյան «Ինտեր Մայամի» հարձակվող Լիոնել Մեսիի քույր Մարիա Սոլ Մեսին ավտովթարի է ենթարկվել, հաղորդում է Metro-ն։
Դժբախտ պատահարը տեղի է ունեցել Մայամիում։ 38-ամյա ֆուտբոլիստի կրտսեր քրոջ ինքնազգացողությունը վատացել է ավտոմեքենա վարելիս, ինչի հետևանքով կորցրել է կառավարումը և բախվել պատին։
Մարիա Սոլ Մեսին ստացել է ողերի ու կրունկի կոտրվածքներ և դաստակի վնասվածք։ Նրա կյանքին վտանգ չի սպառնում։
Ավտովթարի պատճառով Մեսիի քույրը հետաձգել է իր հարսանիքը, որը նախատեսված էր հունվարի 3-ին։ Նրա ընտրյալն «Ինտեր Մայամիի» երիտասարդական թիմի մարզիչներից Խուլիան Արելիանոն է։
