29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Արարատ Միրզոյանը գորգ և վինիլային սկավառակի նվագարկիչ է նվեր ստացել ղազախ գործընկերներից
Հասարակություն
23.12.2025 | 15:24
ՀՀ արտաքին գործերի նախարար Արարատ Միրզոյանը նվեր է ստացել Ղազախստանի ԱԳ նախարար Երմեկ Կոշերբաևից։ Ղազախ գործընկերը Միրզոյանին ղազախական ավանդական գորգ է (սըրմակ) նվիրել։ Այս մասին Factor.am-ը տեղեկանում է պաշտոնյայի՝ Կոռուպցիայի կանխարգելման հանձնաժողով ներկայացրած ձևաթղթից։
ՀՀ ԱԳ նախարարը վարչապետի պատվիրակության կազմում մեկնել էր Ղազախստան: Այցի շրջանակներում Ղազախստանի ԱԳ նախարարի անունից ՀՀ ԱԳ նախարարին փոխանցվել է արարողակարգային նվերը:
Գնորոշման համար ԱԳ նախարարությունը հայցել է ԿԿՀ աջակցությունը։ Կառույցը հայտնել է, որ գորգի մոտավոր արժեքը կազմում է 159 000 ՀՀ դրամ։
Նույն այցի շրջանակում ԱԳ նախարարը նվեր է ստացել նաև Ղազախստաանի նախագահից։ Կասիմ-Ժոմարտ Տոկաևը Միրզոյանին 99 000 դրամ արժողությամբ վինիլային սկավառակի նվագարկիչ է նվիրել։
Հիշեցնենք՝ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
