14.02.2026 | 13:49
Աշտարակ համայնքին է վերադարձվել 4 հա մակերեսով հողամաս․ Դատախազություն
Ֆուտզալի Հայաստանի հավաքականը հաղթեց Մոլդովային
21.12.2025 | 22:02
Ֆուտզալի Հայաստանի ազգային հավաքականը հաղթանակով մեկնարկեց Երևանում անցկացվող միջազգային ընկերական մրցաշարում։
Առաջին տուրում Ռուբեն Նազարեթյանի գլխավորած թիմը մրցեց Մոլդովայի հավաքականի հետ ու հաղթեց 2:1 հաշվով։ Առաջին խաղակեսում հյուրերը 2 անգամ գրավեցին սեփական դարպասը, իսկ ընդմիջումից հետո նաև կրճատեցին հաշիվը։
Ղրղզստան – Վրաստան առաջին տուրի մյուս հանդիպումը հետաձգվել է, քանի որ Ղրղզստանի հավաքականն անբարենպաստ եղանակային պայմանների պատճառով չի ժամանել Երևան։
Հայաստանի հավաքականը դեկտեմբերի 22-ին մրցելու է Ղրղզստանի հետ, իսկ դեկտեմբերի 24-ին՝ Վրաստանի հետ։
Հիշեցնենք, որ ֆուտզալի Հայաստանի հավաքականը պատրաստվում է 2026թ․ Եվրոպայի առաջնության եզրափակիչ փուլին, որը կկայանա հունվարի 21-ից փետրվարի 7-ը Լատվիայում, Լիտվիայում և Սլովենիայում։ Խմբային փուլում հայ ֆուտզալիստների մրցակիցներն են Ուկրաինան (hունվարի 22), Չեխիան (hունվարի 25) և Լիտվան (hունվարի 28)։
Լուսանկարը՝ ՀՖՖ-ի։
