Օվերտոնի պատուհանի կիրառմամբ պայքար է. ասվում է այն, ինչ թույլատրելի չէր. Գևորգ Տեր-Գաբրիելյան. ՏԵՍԱՆՅՈՒԹ

«Հիմա Հայաստանում քաղաքական պայքար է գնում՝ Օվերտոնի պատուհանի կիրառմամբ. ով որքան կարող է՝ ընդլայնում է այն, ինչ նախկինում թույլատրելի չէր ասել»,- Factor TV-ի հետ զրույցում տեսակետ է հայտնում գրող, միջազգային զարգացման հանրագետ Գևորգ Տեր-Գաբրիելյանը՝ պատասխանելով մեր այն հարցին, թե որքանով է մեր իշխանությունը և ընդդիմությունը քննադատական մտածողության կրող:
Ի դեպ, օրեր առաջ տեղի ունեցավ Գևորգ Տեր-Գաբրիելյանի «Քննադատական մտածողություն» գրքի շնորհանդեսը, որն այդ թեման ներկայացնող առաջին ընդարձակ հայերեն հրապարակումն է:

Գրողի խոսքով՝ մեր քաղաքական դաշտում, օրինակ՝ Ազգային ժողովում, կռիվների ժամանակ պոպուլիզմը, հայհոյանքը, Օվերտոնի պատուհանի ընդլայնումը դարձել են քաղաքականություն վարելու գլխավոր միջոց. «Մարդիկ որպես արժեք ընդունել են, որ, եթե ուզում ես հասնել իշխի կամ մնալ իշխի, պետք է այդ միջոցներին դիմել, նրանք գիտեն, որ էմոցիոնալ բախումը ժողովուրդն ավելի շատ է դիտելու»:

Հարցին, թե կանգնած լինելով 2026-ի խորհրդարանական ընտրությունների շեմին, արդյոք մենք բավականաչափ քննադատական մտածողություն ունեցող հասարակություն ենք, այսպես ասած, «թացը չորից տարբերելու համար», մեր զրուցակիցը պատասխանում է.«Ոչ միայն մեզ մոտ, այլև աշխարհի մասշտաբով, ընտրությունների ժամանակ մարդն ընտրում է վատի ու վատթարի միջև, դրա համար նա քննադատական մտածողության կարիք ունի: Պետք է, օրինակ, իշխը տարբերել պետությունից, իսկ դա մեզ մոտ հաճախ նույնացվում է»:

Մանրամասները՝ տեսանյութում:

Աննա Բաբաջանյան