05.10.2026 | 18:19
Ինչպե՞ս կարդալ 21-րդ դարում․ շուրջ 700 ուսուցիչ մասնակցել է մասնագիտական քննարկումների
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Հասարակություն
18.12.2025 | 23:09
ՀՀ ԱԺ նախագահի տեղակալ Հակոբ Արշակյանը դեկտեմբերի 18-ին ԵՊՀ ISTC ինովացիոն կենտրոնում մասնակցել է ԵՊՀ բիզնես ինկուբատորի նախաձեռնությամբ իրականացված «Mini MBA» ծրագրի արդյունքների ներկայացման և հավաստագրերի հանձնման հանդիսավոր արարողությանը։ Այս մասին տեղեկացնում են ԱԺ մամուլի ծառայությունից։
Ողջույնի խոսքում ԱԺ փոխնախագահը կարևորել է նման կրթական ծրագրերի դերը՝ անդրադառնալով գիտության և արդյունաբերության փոխկապակցության զարգացման փուլերին անկախությունից առաջ և հետո։ Նրա խոսքով՝ խորհրդային տարիներին գիտության, կրթության և արտադրության միջև կապը համակարգված էր, սակայն 1990-ականներին այդ շղթան խաթարվել է, ինչի հետևանքով գիտությունն առանձնացել է արդյունաբերությունից։
«Մարդիկ ցանկանում են տեսնել արդյունաբերության հետ կապը։ Այժմ նոր ծրագրերով հնարավորություն է տրվում գիտությանն առնչվելու արդյունաբերական զարգացման, տեխնոլոգիաների, ներդրողների հետ, ներկայացնելու գիտնականների գյուտերն ու տեխնոլոգիաները։ Միշտ չէ, որ գիտական արդյունքը պետք է գնա արդյունաբերություն, բայց ավելի հաճախ պետք է լինի, որ արդյունավետությունը հնարավոր լինի չափել, և դա ծառայի երկրին, տնտեսությանը, մարդկանց»,- ընդգծել է Հակոբ Արշակյանը։
