18.12.2025 | 15:06
Արման Ծառուկյանը՝ Բայդուլաևի դեմ մենամարտում տհաճ միջադեպի մասին․ ՏԵՍԱՆՅՈՒԹ
Հայաստանի քաղաքացիական հասարակությունը նոր մարդկանց, նոր ինստիտուտների կարիք ունի. Ռուբեն Մելիքյան. ՏԵՍԱՆՅՈՒԹ
Քաղաքականություն
05.11.2018 | 14:57
Հայաստանի քաղաքացիական հասարակությունը նոր մարդկանց, նոր ինստիտուտների կարիք ունի: Այսօր՝ նոյեմբերի 5-ին տեղի ունեցած մամուլի ասուլիսում նման կարծիք հայտնեց ՀՀ արդարադատության նախկին փոխնախարար, Արցախի նախկին ՄԻՊ Ռուբեն Մելիքյանը:
«Հաշվի առնելով այն հանգամանքը, որը չեմ ուզում դրական կամ բացասական գնահատել, Հայաստանում քաղաքական այս փոփոխությունների արդյունքում շատ մարդիկ, որ նախկինում գտնվում էին քաղաքացիական հասարակության դաշտում, տեղափոխվեցին պետական աշխատանքի: Իրավապաշտպան դաշտի պարագայում իրականությունը ցույց տվեց, որ հասարակական վերահսկողության ինտենսիվությունն էականորեն նվազեց, իսկ ցանկացած իշխանություն կարիք ունի հասարակական վերահսկողության»,- հավելեց Ռուբեն Մելիքյանը:
Նրա գնահատմամբ՝ նախաապրիլյան Հայաստանում իրավապաշտպան գործունեությունը շատ արդյունավետ էր. հարցեր էին բարձրացվում պրոֆեսիոնալ մակարդակով, որոշ հարցեր լուծում էին ստանում, հանրությունն իր ուշադրությունը կենտրոնացնում էր բարձրացված հարցերի վրա:
«Այսօր այս գործառույթը բաց է մնացել: Ես ինքս իմ գործունեությունը տեսնում եմ այս ոլորտում: Այս պահին կարող եմ ասել, որ իրավապաշտպան կառույց եմ հիմնադրում, բանակցությունների, քննարկումների փուլում եմ»,- նշեց Մելիքյանը:
Մանրամասները՝ տեսանյութում;
