Հուլիսի 18-ին՝ ժամը 19:27-ին, ահազանգ է ստացվել, որ «Opel» մակնիշի ավտոմեքենան ընկել է Կոտայքի մարզի Գետամեջ գյուղի մոտակայքում գտնվող Արզնի-Շամիրամ ջրանցքը. անհրաժեշտ է փրկարարների օգնությունը. տեղեկացնում է ԱԻՆ-ը:
Դեպքի վայր է մեկնել մեկ մարտական հաշվարկ:
Փրկարարների կողմից իրականացվել են որոնողական աշխատանքներ, սակայն մթության պատճառով աշխատանքները դադարեցվել են:
Հուլիսի 19-ին՝ ժամը 09:40-ին, Գետամեջ գյուղի սկզբնամաս (Արզնի-Շամիրամ ջրանցք) է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Ժամը 10:03-ին Արզնի-Շամիրամ ջրանցքի ջրամատակարարումը դադարեցվել է:
Փրկարարները հատուկ տեխնիկայի (կռունկ) օգնությամբ ջրանցքից դուրս են բերել «Opel Astra G» մակնիշի 29 OL 173 պետհամարանիշով ավտոմեքենան:
