28.09.2026 | 22:53
Լրագրողների ձերբակալությունները սրում են ԱՄՆ-Ադրբեջան հարաբերությունները․ Washington Examiner
«Հայաստանի հետ հարաբերությունների կարգավորման մասին խոսք գնալ չի կարող». Թուրքիայի նախագահականից՝ Trend.az-ին
Քաղաքականություն
02.11.2018 | 16:36
«Հայաստանի հարցում Թուրքիայի դիրքորոշումը պարզ է և հստակ: Հարաբերությունների կարգավորման մասին խոսք գնալ չի կարող, մինչև ադրբեջանական օկուպացված տարածքները չազատվեն»,- գրում է ադրբեջանական «Trend» լրատվական գործակալությունը՝ նշելով, որ այս մասին հայտնել են Թուրքիայի նախագահականից՝ ի պատասխան իրենց հարցմանը. փոխանցում է ermenihaber-ը:
Ըստ ադրբեջանական գործակալության՝ նախագահականից արված հայտարարության մեջ նշվել է, որ Թուրքիան նախկինի պես շարունակելու է աջակցել Ադրբեջանին և ղարաբաղյան հարցը պահելու է օրակարգում:
Նախագահականից նշել են նաև, որ Հայաստանը պետք է հրաժարվի 1915 թվականի Հայոց ցեղասպանության ճանաչման հետ կապված Թուրքիային ուղղված պահանջներից:
«Չնայած Թուրքիայի բոլոր կոչերին՝ Հայաստանը մինչ այժմ չի ձեռնարկել քայլեր 1915թ. դեպքերը ուսումնասիրելու նպատակով համատեղ հանձնաժողով ստեղծելու և արխիվները բացելու ուղղությամբ»
Ըստ նախագահականի՝ Հայաստանի՝ արխիվները բացելու և համատեղ հանձնաժողով ստեղծելու թուրքական առաջարկից հրաժարվելը խոսում է այն մասին, որ Թուրքիայի պատմության մեջ չի եղել Հայոց ցեղասպանություն։
