06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Ռուսաստանի ԿԲ-ն վերացրել է իր և «բարեկամ» երկրների քաղաքացիների համար միջազգային դրամական փոխանցումների սահմանափակումները
Քաղաքականություն
05.12.2025 | 22:47
Հաջորդ շաբաթվանից Ռուսաստանի Կենտրոնական բանկը կվերացնի երկրի քաղաքացիների, ինչպես նաև «բարեկամական» երկրներից ոչ ռեզիդենտների համար արտասահման արտարժույթի փոխանցումների սահմանափակումները։ Այս մասին ասվում է կարգավորող մարմնի մամուլի հաղորդագրության մեջ, գրում է The Insider-ը:
Ըստ Կենտրոնական բանկի՝ որոշումը կայացվել է «արտարժույթի շուկայում կայուն իրավիճակի» պատճառով։ Սահմանափակումները կվերացվեն դեկտեմբերի 8-ից։
Չեղարկվող սահմանափակումները մտցվել են 2022 թվականի մարտին։ Դրանց համաձայն՝ Ռուսաստանի քաղաքացիները և «բարեկամական» երկրներից ոչ ռեզիդենտ անձինք կարող էին մինչև 1 միլիոն դոլար փոխանցել արտասահմանյան բանկային հաշիվներին կամ մինչև 10,000 դոլար՝ դրամական փոխանցումների համակարգերի միջոցով։ Այս միջոցառումը մի քանի անգամ երկարաձգվել է, վերջին անգամ՝ այս տարվա սեպտեմբերին՝ մինչև 2026 թվականի մարտի վերջ։
«Ոչ բարեկամական» երկրների քաղաքացիների համար փոխանցումների արգելքը մնում է ուժի մեջ։
Ռուսաստանում աշխատողները կկարողանան ամսական արտասահման փոխանցել իրենց աշխատավարձին համարժեք միջոցներ։
Թարգմանությունը՝ Էմմա Չոբանյանի
