29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
2019 թ.-ին կանխատեսվում է 4,9 տոկոս տնտեսական աճ․ Ատոմ Ջանջուղազյան․ ՏԵՍԱՆՅՈՒԹ
Տնտեսություն
01.11.2018 | 18:44
Ազգային ժողովի մշտական հանձնաժողովներում այսօր՝ նոյեմբերի 1-ին, մեկնարկեցին 2019 թ. բյուջեի նախագծի քննարկումները:
Ֆինանսների նախարարի պաշտոնակատար Ատոմ Ջանջուղազյանը ներկայացրեց 2019 թվականի բյուջեի ցուցանիշները, ըստ որոնց, նախատեսվում է 4.9 տոկոս տնտեսական աճ ապահովել: «Ակնկալվում է, որ 2019 թ. մեկ շնչին բաժին ընկնող ՀՆԱ-ն կկազմի 4606 դոլար, արդյոք սա ա՞յն է, ինչ մենք համարում ենք լավագույնը, թե՞ ոչ, իհարկե՝ ոչ», – նկատեց Ջանջուղազյանը:
Ֆինանսների նախարարը նշեց, որ այս տարի կապիտալ ծախսերը բյուջեում կազմելու են 2.4 տոկոս, իսկ 2019թ.-ին՝ արդեն 3.2 տոկոս, ընթացիկ ծախսեր-ՀՆԱ հարաբերակցությունը 21.2 տոկոս կկազմի այս տարի, իսկ 2019-ին՝ 21.1 տոկոս:
«Հարկային եկամուտներն այս տարի կլինեն 1 տրիլիոն 256 մլրդ դրամ, իսկ 2019 թվականին կկազմեն 1 տրիլիոն 399 մլրդ դրամ: Որպեսզի մենք կարողանանք պատկերացում կազմել, թե ինչ հնարավարություններ ունենք մեր կարիքները հոգալու համար, բացի եկամուտներից նաև պետք է դիտարկենք պատք վերցնելու այն հնարավորությունները, որոնք մենք ունենք»,- ասաց Ջանջուղազյանը:
Մանրամասները՝ տեսանյութում։
