14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Հնարավոր է Մևլութ Չավուշօղլուն պաշտոնանկ արվի
Քաղաքականություն
19.07.2017 | 17:15
Թուրքիայի նախագահ Ռեջեփ Թայիփ Էրդողանը հուլիսի 19-ին նախագահական նստավայրում ընդունել է վարչապետ Բինալի Յըլդըրըմին:
Թուրքական լրատվամիջոցը հայտնում է, որ անակնկալ այցի ընթացքում հնարավոր է քննարկվի նախարարական կաբինետում նոր փոփոխություններ անելու հարցը:
Նշվում է, որ ակնկալվում է 3-5 նախարարի փոփոխություն: Նախարարների փոփոխության մասին խոսակցություններ սկսվեցին Էրդողանի՝ իշխող «Արդարություն և զարգացում» կուսակցության ղեկավարի պաշտոնը վերստին ստանձնելուց հետո:
Ըստ կուլիսներում շրջանառվող լուրերի` նախագահի խոսնակ Իբրահիմ Քալընը կարող է նշանակվել արտաքին գործերի նախարարի պաշտոնում` փոխարինելով Մևլութ Չավուշօղլուին: Տնտեսական հարցերով փոխվարչապետ Մեհմեթ Շիմշեքի փոխարեն այդ պաշտոնում կարող է նշանակվել էներգետիկայի և բնական պաշարների նախարար Բերաթ Ալբայրաքը, ով Էրդողանի փեսան է: ԵՄ հարցերով նախարար Օմեր Չելիքը և արդարադատության նախարար Բեքիր Բոզդաղը, պահելով իրենց պաշտոնները, միևնույն ժամանակ կարող են նշանակվել փոխվարչապետերի պաշտոնում:
