02.10.2026 | 15:02
Բեռնատարում 14.2 կգ մարիխուանա է հայտնաբերվել․ օտարերկրյա քաղաքացի է ձերբակալվել
«Ինտեր Մայամին» խփեց 5 գոլ և եզրափակիչում է, Մեսին գերազանցեց Պուշկաշի պատմական ռեկորդը․ ՏԵՍԱՆՅՈՒԹ
30.11.2025 | 13:20
MLS-ի կիսաեզրափակիչում ամերիկյան «Ինտեր Մայամին» 5:1 հաշվով հաղթել է «Նյու Յորք Սիթիին» ու նվաճել եզրափակիչի ուղեգիր։
Դաշտի տերերի կազմում հեթ-տրիկի հեղինակ է արգենտինացի հարձակվող Տադեո Ալենդեն, մեկական գոլ են խփել նրա հայրենակից Մատեո Սիլվետին ու վենեսուելացի կիսապաշտպան Տելասկո Սեգովիան։
Աշխարհի չեմպիոն Արգենտինայի հավաքականի ավագ Լիոնել Մեսին դարձել է մեկ գոլային փոխանցման հեղինակ։
38-ամյա հարձակվողը կատարել է կարիերայի 405-րդ գոլային փոխանցումն ու սահմանել համաշխարհային ռեկորդ։ Մինչև այս պատմության մեջ ամենաշատ ասիստ գրանցած ֆուտբոլիստը հունգարացի լեգենդար հարձակվող Ֆերենց Պուշկաշն էր (404 գոլային փոխանցում)։ Այդ ցուցանիշով երրորդ տեղում Պելեն է՝ 369 ասիստ։
«Ինտեր Մայամին» ստացել է Արևելյան կոնֆերենցիայի չեմպիոնական գավաթը, իսկ դեկտեմբերի 6-ին կայանալիք եզրափակիչում մրցելու է կանադական «Վանկուվեր Ուայթքեփսի» հետ։
MLS-ի ընթացիկ մրցաշրջանում Մեսին «Ինտեր Մայամիի» կազմում մասնակցել է 33 հանդիպման, դարձել 35 գոլի ու 21 գոլային փոխանցման հեղինակ։
