05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Ստացվո՞ւմ է ձեր ձևով եկեղեցին պաշտպանել. հարց՝ Նարեկ Կարապետյանին
Քաղաքականություն
30.11.2025 | 13:22
Սուրբ Սարգիս եկեղեցում կիրակնօրյա պատարագի ավարտից հետո լրագրողները գործարար Սամվել Կարապետյանի եղբորորդուն, «Մեր ձևով» քաղաքական շարժման համակարգող Նարեկ Կարապետյանին հարցեր են ուղղել։
Factor TV-ի լրագրողի հարցին՝ ինչպե՞ս են պաշտպանելու եկեղեցին «իրենց ձևով», Կարապետյանն արձագանքել է․ «Մենք տեսանք, որ հայ ժողովուրդը չպաշտպանեց վարչապետի ակցիաները եկեղեցու դեմ, և հայ ժողովուրդը կանգնեց կաթողիկոսի կողքին։ Եկեղեցու պրոցեսները դրսից, քանի որ չկարողացան իրենց ուզած հանգուցալուծմանը բերել, գնացին ներքին հանգուցալուծման։ Բայց այս ամեն ինչը ցույց տվեց, որ հայ ժողովուրդը չպաշտպանեց եկեղեցու դեմ հարձակումները և միայն ներսից են փորձում ինչ-որ քայլեր ձեռնարկել»։
Լրագրողի ճշտող հարցին՝ որն է եկեղեցու պաշտպանության իրենց ձևը, այն արդեն գործի է դրվե՞լ, Կարապետյանն ասաց, որ իրենք ձևով եկեղեցին պաշտպանելու են միշտ, սակայն չմանրամասնեց՝ ինչ նկատի ունի։
Նշենք, որ այս նույն եկեղեցում ընթացող պատարագին մասնակցում էր նաև վարչապետ Նիկոլ Փաշինյանը և քաղաքական վերնախավը։ Խորանի մոտ Փաշինյանին դիմավորել է Արարատյան Հայրապետական Թեմի առաջնորդական փոխանորդ Տ. Նավասարդ արքեպիսկոպոս Կճոյանը։
Տեսանյութը՝ այստեղ։
