Քաղաքականություն
01.11.2018 | 16:48
Յուրի Խաչատուրովը, ամենայն հավանականությամբ, հետ կկանչվի ՀԱՊԿ գլխավոր քարտուղարի պաշտոնից: Այս մասին Մինսկում լրագրողների հետ զրույցում հայտարարել է ՀՀ նախագահ Արմեն Սարգսյանը, հաղորդում է interfax.by-ն:
«Ամենայն հավանականությամբ, Հայաստանն իր ներկայացուցչին (Յուրի Խաչատուրովին) հետ կկանչի»,- ասել է Արմեն Սարգսյանը:
Նախագահը պարզաբանել է, որ քանի որ Յուրի Խաչատուրովը Հայաստանի ներկայացուցիչն է, ապա Երևանն իրավունք ունի որոշել՝ իր ներկայացուցչին թողնե՞լ գլխավոր քարտուղարի պաշտոնում, թե՞ ոչ: «Ներկայում այդ ուղղությամբ իրավաբանական գործընթաց կա»,- հավելել է ՀՀ նախագահը:
