29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Բանակը կրճատվո՞ւմ է, թե ոչ. Պապիկյանի պնդումն ու պարզ հաշվարկը. Փա՞ստ, թե փուստ․ ՏԵՍԱՆՅՈՒԹ
Քաղաքականություն
25.11.2025 | 22:00
Հունվարից ծառայության մեկնողները 2 տարվա փոխարեն կծառայեն 1,5 տարի։ Պաշտպանության նախարար Սուրեն Պապիկյանն ԱԺ-ում պնդել է, թե զինծառայության ժամկետը կրճատելու արդյունքում զինված ուժերի թվակազմը չի կրճատվում։ Նախարարն ասում է՝ պարզ թվաբանություն է։
Factor TV-ի եթերում այսօր մի այդպիսի պարզ թվաբանություն ենք անում՝ պարզելու՝ թվակազմի կրճատում կլինի՞, թե՞ ոչ։
«Մեկ ու կես տարի հետո երկու զորակոչ զորացրվելու է, բայց այն, որ բանակը կրճատվելու է, դա իրականության հետ կապ չունի։ Ինչո՞ւ։ Սրա արդյունքում մենք մեկուկես տարի հետո նույն թվաքանակով մարդկանց զորակոչելու ենք բանակ, ուղղակի իրենք ծառայելու են մեկ ու կես տարի… Թվաբանություն է էդ անտերը, բարդ չի»,- պնդում է Պապիկյանը։
Եթե նույն տղաներին, նույն զորակոչի ժամանակ ներգրավում են որպես ժամկետային ծառայող, բայց նրանք ծառայում են ոչ թե երկու տարի, այլ մեկ ու կես տարի, պատկերն ամբողջությամբ փոխվում է։ Ստացվում է՝ միաժամանակ նրանցից միայն երեքը կարող է լինել բանակում։ Սա, պարզ թվաբանությամբ, նշանակում է, որ ժամկետային զինծառայողների թիվը նվազում է 25 տոկոսով։
Մանրամասները՝ տեսանյութում։
Գարիկ Հարությունյան
