17.12.2025 | 15:32
Սիրելի երեխաներ, ձեզ 2 պատգամավորի հետ կծանոթացնեմ․ Սիմոնյանը՝ Տ․ Մարգարյանի օգնականի մասին․ ՏԵՍԱՆՅՈՒԹ
Գրանտ փղի վիրահատությունը հաջող է անցել. վերքն ամբողջությամբ կապաքինվի 11 ամսվա ընթացքում
01.11.2018 | 11:30
Թբիլիսիի կենդանաբանական այգում Գրանտ փղի վիրահատությունը հաջող է անցել: Այս մասին տեղեկանում ենք Վրաստանի «Առաջին ալիքից»: Մասնագետները նշել են, որ կարևորը կենդանու գիտակցության գալն էր, քանի որ անեսթեզիայից հետո փղերը դժվարությամբ են արթնանում:
Նշենք, որ Թբիլիսիի կենդանաբանական այգում վիրահատել են Գրանտի ժանիքը: Վիրահատական միջամտությունն ավելի քան երեք ժամ է տևել: Կենդանու թարախակալած ժանիքը հանել են, իսկ վերքն ամբողջությամբ կապաքինվի 11 ամսվա ընթացքում:
Վիրահատության համար Աֆրիկայից Թբիլիսի էին ժամանել հայտնի անասնաբույժ Գերհարդ Ստինկամպը և անեսթեզիոլոգ Ադրիան Տորդիֆը:
Գրանտ փիղը 23 տարեկան է, նրան Երևանի կենդանաբանական այգուց Վրաստան են տեղափոխել մի քանի տարի առաջ: Փոխարենը Երևան են բերել 6-ամյա Բունկային: Ի դեպ՝ BBC-ի թիմի վավերագրական ֆիլմաշարի հերոսներից մեկը Գրանտ փիղը կլինի:
