29.07.2026 | 15:30
Տոկիոյի Օլիմպիական խաղերի մասնակիցն անհետ կորել է Բրազիլիայում
Պոլ Պոգբան խաղադաշտ վերադարձավ 811 օր անց․ ՏԵՍԱՆՅՈՒԹ
22.11.2025 | 23:58
Ֆրանսիայի հավաքականի կազմում աշխարհի չեմպիոն Պոլ Պոգբան խաղադաշտ է վերադարձել 811 օրվա ընդմիջումից հետո։
«Մոնակոյի» կիսապաշտպանը մասնակցել է «Ռենի» դեմ Ֆրանսիայի առաջնության 13-րդ տուրի արտագնա խաղին՝ փախարինման մտնելով 85-րդ րոպեին (տեսանյութ)։ «Մոնակոն» պարտվել է 1։4 հաշվով։
2023թ․ սեպտեմբերին Պոգբան Թուրինի «Յուվենտուսում» խաղալու ընթացքում 4 տարով որակազրկվել էր հակադոպինգային կանոնները խախտելու համար։ Ավելի ուշ Մարզական արբիտրաժային դատարանը (CAS) կրճատել էր որակազրկման ժամկետը մինչև 1,5 տարի:
2025թ․ ամռանը 32-ամյա ֆուտբոլիստը պայմանագիր էր կնքել «Մոնակոյի» հետ, սակայն նրա վերադարձը խաղադաշտ ձգձգվում էր վնասվածքների պատճառով։ «Յուվենտուսից» բացի, Պոգբան ակումբային կարիերայում խաղացել է նաև անգլիական «Մանչեսթեր Յունայթեդում» (2011-2012թթ, 2016-2022թթ․)։ Ֆրանսիայի հավաքականում կիսապաշտպանը հանդես է եկել 2013-2022թթ․, իսկ 2018-ին դարձել է աշխարհի չեմպիոն։
