29.07.2026 | 17:53
Զելենսկին Թրամփից 300 Patriot հրթիռ է խնդրել՝ ձմռանն Ուկրաինայի էներգետիկ ոլորտը պաշտպանելու համար
Նեյմարը գոլ է խփել տևական ընդմիջումից հետո․ ՏԵՍԱՆՅՈՒԹ
20.11.2025 | 12:05
Բրազիլական «Սանթոսի» հարձակվող Նեյմարը գոլի հեղինակ է դարձել շուրջ 3․5 ամսվա ընդմիջումից հետո։
Բրազիլիայի առաջնության 34-րդ տուրում «Սանթոսը» 1։1 հաշվով է ավարտել «Միրասոլի» դեմ տնային հանդիպումը։ 33-ամյա բրազիլացի հարձակվողը չորրորդ րոպեին բացել է խաղի հաշիվը։ Երկրորդ խաղակեսի սկզբնամասում Նեյմարը սեփական տուգանային հրապարակում խախտել է կանոնները, և դաշտի տերերի դարպասին նշանակվել է 11-մետրանոց հարված, որն անվրեպ է իրացրել «Միրասոլի» բրազիլացի պաշտպան Ռեինալդոն։
Բրազիլիայի հավաքականի պատմության լավագույն ռմբարկուն նախորդ անգամ գոլի հեղինակ դարձել էր օգոստոսի 5-ին։ Սեպտեմբերին նա ստացել էր վնասվածք և մեկ ամսից ավելի բացակայում էր խաղադաշտից։
Բրազիլիայի ընթացիկ առաջնությունում Նեյմարը մասնակցել է 17 հանդիպման ու խփել 4 գոլ։ «Սանթոսը» 34 խաղից հետո 37 միավորով 16-րդ տեղում է։
