29.07.2026 | 17:53
Զելենսկին Թրամփից 300 Patriot հրթիռ է խնդրել՝ ձմռանն Ուկրաինայի էներգետիկ ոլորտը պաշտպանելու համար
Աֆրիկայում ընտրել են տարվա լավագույն ֆուտբոլիստին
20.11.2025 | 11:11
Ֆրանսիական ՊՍԺ-ի և Մարոկկոյի հավաքականի պաշտպան Աշրաֆ Հակիմին ճանաչվել է 2025թ․ Աֆրիկայի լավագույն ֆուտբոլիստ, հաղորդում է Աֆրիկայի ֆուտբոլային կոնֆեդերացիայի մամուլի ծառայությունը։
Քվեարկության արդյունքում 27-ամյա ֆուտբոլիստն առաջ է անցել Վիկտոր Օսիմհենից (Նիգերիա, «Գալաթասարայ») և Մոհամեդ Սալահից (Եգիպտոս, «Լիվերպուլ»)։
Նախորդ մրցաշրջանում Հակիմին ՊՍԺ-ի կազմում դարձել էր Ֆրանսիայի չեմպիոն, գավաթակիր, սուպերգավաթակիր ու Չեմպիոնների լիգայի հաղթող, ինչպես նաև հասել էր առաջին անգամ նոր ձևաչափով անցկացված աշխարհի ակումբային առաջնության եզրափակիչ։ Այս մրցաշրջանում մարոկկացին փարիզյան ակումբի կազմում մասնակցել է 14 խաղի, դարձել 2 գոլի ու 3 գոլային փոխանցման հեղինակ։
