ՌԴ-ն Արշակ Կարապետյանի միջոցով է մեզ ասել՝ պատերազմ չի լինի, բայց մեր հետախուզությունը ճշտել էր հստակ օրը․ Անդրանիկ Քոչարյան. ՏԵՍԱՆՅՈՒԹ

Լուրեր

17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
17.11.2026 | 16:40
Մուսաևը 6 անգամ կրակել է Անի Ավետիսյանի ուղղությամբ, ապա գցել մահճակալին և հարվածներ հասցրել. հրապարակվել է Շաքի ներխուժած ադրբեջանցու մեղադրական եզրակացությունը
17.11.2026 | 16:36
ԱԺ-ում հայտարարությունների ժամ է․ ՈՒՂԻՂ
17.11.2026 | 16:23
Սերբիայում ռազմական ինքնաթիռ է կործանվել․ օդաչուն զոհվել է
17.11.2026 | 16:14
«Աննախադեպ գործողություն»․ Զելենսկին մանրամասներ է հայտնել Ղրիմի կամրջին հարվածի գործողությունից
17.11.2026 | 16:13
Գևորգ Ղազարյանը խզել է պայմանագիրն «Արարատ-Արմենիայի» հետ
Բոլորը

Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը Factor TV-ին տված հարցազրույցում անդրադառնում է 44-օրյա պատերազմի հանգամանքներն ուսումնասիրող քննիչ հանձնաժողովի զեկույցին, բանակում տիրող իրավիճակին և Մարտի 1-ի գործին։ Քոչարյանը կտրականապես հերքում է այն պնդումները, թե զեկույցը գաղտնի է պահվում վարչապետ Փաշինյանին պատասխանատվությունից ազատելու նպատակով։ Քոչարյանը պնդում է, որ թեև զեկույցը գտնվում է գաղտնի բաժնում, այն անպայման հասանելի է դառնալու համապատասխան մարմիններին և հանրությանը։

«Զեկույցն ընդամենը 215 էջ է, բայց հիմնական նյութը՝ տեսագրություններ, ձայնագրություններ, ապացույցներ, մոտ 16 հազար նյութ, իջեցվում է ներքև․․․ Մենք կսկսենք ուղարկել համապատասխան կառույցներ։ Զեկույցը կարևորված է և իր ընթացակարգերով պետք է շարժվի»,- նշել է նա։
Քոչարյանը հավելել է, որ զեկույցի բաց և փակ մասերը, ըստ իրավաբանության, պետք է դառնան հանրության սեփականությունը․ «Անիմաստ աշխատանք երբեք չի լինում։ Այլ բան, որ սպասումները շատ մեծ են և անմիջապես ուզում են տեղեկացված լինել՝ վերջապես մենք ինչու պարտվեցինք և ինչից սկսվեց պատերազմը»։

Հանձնաժողովի նախագահը ուշագրավ մանրամասներ է հայտնել պատերազմի մեկնարկի վերաբերյալ ստացված տեղեկությունների մասին՝ մատնանշելով ռուսական կողմի տված երաշխիքները։ Ըստ նրա՝ ռուսական կողմը Հայաստանին Արշակ Կարապետյանի միջոցով է հայտնել, որ պատերազմ չի լինելու, մինչդեռ՝ սեպտեմբերի 27-ին պատերազմն սկսվել է։

«Բանակի վիճակը մինչև 18 թիվը ուսումնասիրվել է Քառօրյայի ժամանակ։ Բան չասեմ, «բանկաբուտուլկեքը» իրանց նվեր։ Թող մեծ-մեծ չխոսան»,- ասել է նա՝ անդրադառնալով պատերազմի սկսվելուն անպատրաստ լինելու մասին քննադատություններին։ Նա ասել է, որ այժմ առաջնագծում լուրջ ինժեներական աշխատանքներ են տարվում։

Անդրանիկ Քոչարյանը կոշտ քննադատության է ենթարկել երկրորդ նախագահ Ռոբերտ Քոչարյանին՝ նրան մեղադրելով բանակը քաղաքական գործընթացներում ներքաշելու մեջ։

«Ռոբերտ Քոչարյանը մեղավոր է, որովհետև ինքը թույլ է տվել անօրինական 0038 հրամանը, որով բանակը ներքաշվել է քաղաքական գործընթացների մեջ։ Բանակը մտել է Երևան, դիպուկահարներն այնտեղ են եղել»,- շեշտել է Քոչարյանը։
Նա նաև անդրադարձել է Պաշտպանության նախկին նախարար Արշակ Կարապետյանին՝ հիշեցնելով նրա դերը Մարտի 1-ի դեպքերում և քննադատելով նրա ներկայիս պահվածքը։

«Արշակ Կարապետյանը երկու անգամ է կանչվել [քննիչ հանձնաժողով]։ Արշակ Կարապետյանը այն ժամանակվա Գլխավոր շտաբի պետի ազդեցիկ կառույցի ղեկավարն էր։ Հիմա էկրանի մյուս կողմից էսպես ինչ-որ բաներ ա խոսում։ Արշակ Կարապետյանը տարվել է Մոսկվա, մեկ նստացվել է։ Ինքը փախել է քրեական պատժից»,- հայտարարել է պատգամավորը։
Խոսելով Դավիթ Տոնոյանի պաշտոնավարման մասին՝ Քոչարյանը նշել է, որ թեև ժամանակին նրան համարել է «պրոֆեսիոնալ», սակայն իրականությունը այլ բան է ցույց տվել։

«Դավիթ Տոնոյանը մեր իշխանության ժամանակ նշանակվել է և մեր իշխանության ժամանակ հանվել է։ Խոսքը նրա մասին չի։ Դավիթ Տոնոյանը ասում էր՝ անօդաչուները մեզ պետք չեն, երբ արդեն աշխարհը թևակոխել էր նոր բանակային կառավարման ժամանակաշրջան»,- ասել է նա։
Եզրափակելով զրույցը՝ Անդրանիկ Քոչարյանը վստահեցրել է, որ քննիչ հանձնաժողովի աշխատանքը անիմաստ չի եղել, և հավաքագրված փաստերը վաղ թե ուշ լույս են սփռելու բազմաթիվ մութ հարցերի վրա․

«Զեկույցը, իր կարևորությունից ելնելով, անպայման իր տեղը կգտնի։ Այն, ինչ որ մենք արել ենք, անիմաստ աշխատանք երբեք չի լինի»։

Հաղորդումն ամբողջությամբ՝ տեսանյութում։

Ռոբերտ Անանյան