02.10.2026 | 17:42
Փաշինյանի ելույթը՝ Եվրասիական միջկառավարական խորհրդի նիստին
ՌԴ-ն մերժում է Գևորգ Կոստանյանի արտահանձնումը, կինը ՀՀ-ում է, գործը դատարան է ուղարկվել․ Վարդապետյան․ ՏԵՍԱՆՅՈՒԹ
Հասարակություն
18.11.2025 | 14:11
«Մարտի 1»-ի գործի հետ կապված՝ Գևորգ Կոստանյանը և քննչական խմբի ղեկավար Վահագն Հարությունյանը մեղադրվում են պաշտոնական դիրքի չարաշահման, ապացույցների կեղծման և գործի քննությունն, ըստ էության, խեղաթյուրելու դրվագներով։ Այս մասին խորհրդարանում հայտարարեց Գլխավոր դատախազ Աննա Վարդապետյանը։
«Դրանք հենց 2008-ի մարտի 1-2-ի գործողությունների հետ փոխկապակցված չեն, փոխկապակցված են հետագայում կատարված դիրքային չարաշահումների հետ։ Մեր ունեցած տվյալներով՝ այդ անձինք գտնվում են Ռուսաստանի Դաշնությունում։ Ռուսաստանի Դաշնության հետ մենք աշխատում ենք բազմակողմ պայմանագրի շրջանակում։
Չունենք ռուսական կողմից համաձայնություն այս անձանց արտահանձնելու։ Թեև նշեմ, որ դատախազությունը կրկին առաջիկայում հանձնման միջնորդություն է ուղարկելու Ռուսաստանի Դաշնություն՝ խնդրելով նորից դիտարկել նախկինում մերժված հանձնումը։ Այս առումով նաև մի հանգամանքի վրա կցանկանամ Ձեր ուշադրությունը հրավիրել. միջդատական վարույթում գտնվող գործով Կոստանյան Գևորգի և նրա կնոջ կողմից պաշտոնեական և ոչ միայն պաշտոնեական հանցագործությունների կատարման արդյունքում ձեռք բերված որոշակի գույքային միջոցների օրինականությունն է վիճարկվում, և այս պահին դատարան է ուղարկված Գևորգ Կոստանյանի կնոջ՝ Լիլիթ Կոստանյանի վերաբերյալ դրվագը, որովհետև Կոստանյանը հետախուզման մեջ է, կինը Հայաստանի Հանրապետության տարածքում է և կարող ենք առկա ձևաչափով դատաքննություն իրականացնել»,-նշեց Վարդապետյանը։
Մանրամասները՝ տեսանյութում։
