31.01.2026 | 23:36
Եվրո-2026․ Ֆուտզալի Հայաստանի հավաքականն ավարտեց ելույթը
Հրդեհ Արտաշատում. հայտարարվել է բարդության «1 ԲԻՍ» աստիճան
17.11.2025 | 21:16
Նոյեմբերի 17-ին՝ ժամը 18։19-ին, Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ հրդեհ է բռնկվել Արտաշատ քաղաքի Ս․ Հակոբյան փողոցում գտնվող տներից մեկին կից խորդանոցում։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
ՆԳՆ Փրկարար ծառայությունից տեղեկացնում են, որ հայտարարվել է հրդեհի բարդության «1 ԲԻՍ» աստիճան․ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից ևս մեկ մարտական հաշվարկ
Պարզվել է, որ այրվում է անասնագոմի ծածկը։
Հրդեհը մեկուսացվել է ժամը 20։35-ին։
