25.08.2026 | 17:02
Սերժ Սարգսյանը դուրս եկավ Հակակոռուպցիոն կոմիտեից
Ծրարներից մի քանիսում ՔՊ-ի և «Հաղթանակ» դաշինքի ծրարները տարօրինակ ձևով ծալված էին. Դանիել Իոաննիսյան․ ՏԵՍԱՆՅՈՒԹ
Հասարակություն
17.11.2025 | 12:09
Վաղարշապատում կայացած ՏԻՄ ընտրությունների վերաբերյալ հրավիրված ասուլիսի ընթացքում «Անկախ դիտորդ» դիտորդական առաքելության լիազոր ներկայացուցիչ Դանիել Իոաննիսյանը ներկայացրել է, թե ինչ բնույթի խախտումներ են արձանագրվել։
Նա նշել է, որ նախընտրական քարոզչության ընթացքում առաքելության դիտորդները զրուցել են 8 ուժերից յոթի հետ, դիտորդների հետ հրաժարվել են զրուցել միայն «Ժառանգություն» կուսակցությունից։
«Իրականացվել են տասնյակից ավել հարցումներ, դիտարկվել են շուրջ 35 նախընտրական հավաքներ։ Ուշադրության կենտրոնում է եղել նաև դահլիճների տրամադրման հետ կապված հարցերը։ Մասնավորապես, քաղաքական ուժերից մեկը ահազանգում էր դահլիճների տրամադրման դիմումների անտեղի մերժման բազմաթիվ դեպքերի մասին։ Մենք ուսումնասիրել ենք դրանք և տեսել ենք, որ ահազանգերի մի մասը, թեև տեղին են, մի մասը, իրապես համաչափ է, որ մերժվել են»,-նշել է նա։
Իոաննիսյանի խոսքով՝ խնդրահարույց են եղել նաև այն դեպքերը, երբ համայնքապետարանն իր ծրագրերով չնախատեսված դեպքերում քաղաքացիներին տրամադրել է ինչ-որ օգնություններ կամ դե ֆակտո օգնություններ, այդպիսով արձագանքել է քաղաքացիների խնդրանքներին։
«Տեսնում էինք, որ ՔՊ-ի նախընտրական քարոզչության ժամանակ քաղաքացիները մոտենում էին, Արգիշտի Մեխակյանից ինչ-որ բան էին խնդրում ու միգուցե այդ պահին Արգիշտի Մեխակյանն ասում էր՝ այդ բոլոր հարցերն ընտրություններից հետո, բայց հետո մենք տեսնում էինք, որ համայնքապետարանը հասցեագրում էր քաղաքացիների այդ խնդիրները, որոնց մի մասով, ինչպես ասացի, արդեն հանցագործության մասին հաղորդում է ներկայացվել, որովհետև սա ընկալում ենք որպես բարեգործության և քարոզչության մեկտեղման խախտում»,-նշել է նա։
Մանրամասները՝ տեսանյութում։
