29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
Աշխարհի գավաթ․ Գաբրիել Սարգսյանը և Լևոն Արոնյանը դուրս մնացին պայքարից
15.11.2025 | 19:13
Հնդկաստանում շարունակվող ՖԻԴԵ-ի շախմատի աշխարհի գավաթի խաղարկությունում Հայաստանի վերջին ներկայացուցիչ, գրոսմայստեր Գաբրիել Սարգսյանը դուրս մնաց պայքարից։
5-րդ փուլի երկրորդ դասական պարտիայում հայ շախմատիստը սև խաղաքարերով պարտվեց ուզբեկ գրոսմայստեր Նոդիրբեկ Յակուբոևին։ 1/8 եզրափակիչի առաջին պարտիայում հաղթող չէր եղել։
Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը և ամերիկահայ Սամուել Սևյանը ևս պարտություն կրեցին ու լքեցին պայքարը։
Երկրորդ պարտիայում Արոնյանը պարտվեց հնդիկ գրոսմայստեր Արջուն Էրիգաիսիին, իսկ Սևյանը՝ չինացի գրոսմայստեր Վեյ Իին։ Այս դիմակայություններում ևս առաջին պարտիաներն ավարտվել էին ոչ-ոքի արդյունքով։
Հիշեցնենք, որ Հայաստանի ներկայացուցիչներից աշխարհի գավաթին մասնակցում էին նաև Շանթ Սարգսյանը, Ռոբերտ Հովհաննիսյանը և Կարեն Գրիգորյանը, որոնք պարտվել էին նախորդ փուլերում։ Մրցաշարն անցկացվում է նոկաուտ ձևաչափով: Յուրաքանչյուր փուլում մասնակիցները խաղում են 2 դասական պարտիա: Եթե գրանցվում է 1:1 հաշիվը, հաղթողը որոշվում է արագ և կայծակնային շախմատի թայ-բրեյքում:
