09.08.2026 | 12:56
Սևանա լճում ջրափրկարարները նկատել են շրջված ջրային մոտոցիկլետ․ ՆԳՆ
Կալանավայրերը լիքն էին, էդ միանգամից քանի՞ մարդ բաց թողեցիք, որ տեղերն ազատվեցին․ Մարգարիտ Եսայան․ ՏԵՍԱՆՅՈՒԹ
Քաղաքականություն
31.10.2018 | 12:05
Ազգային ժողովի «Հանրապետական» խմբակցության պատգամավոր Մարգարիտ Եսայանն այսօր խորհրդարանում արդարադատության նախարարի պաշտոնակատար Արտակ Զեյնալյանից հետաքրքրվեց՝ այդ երբվանի՞ց գործող Կառավարությունը բացեց կալանավայրերի դռները, դատապարտյալներին ազատ արձակեց, որի արդյունքում գերբեռնված կալանավայրերը բեռնաթափվեցին։
«Դրանք լիքն էին, էդ միանգամից քանի՞ մարդ բաց թողեցիք, որ տեղերն ազատվեցին և ի՞նչ ժամկետներում եք նրանց ազատ արձակել»,- հարցրեց պատգամավորը։
Հարցին ի պատասխան՝ Արտակ Զեյնալյանն ասաց, որ քրեակատարողական հիմնարկները բեռնաթափելը եղել է իրենց վարած քաղաքականության արդյունքում։ «Կալանավայրերի դռները բաց չենք արել, այդ ամենը կատարվել է օրինականության շրջանակում»,- ասաց նախարարի պաշտոնակատարը։
Վերջինս նաև նշեց, որ կալանավայրերի բեռնաթափմանն է նպաստում նաև կալանքների կիրառման մեխանիզմի փոփոխությունը, որի հետևանքով կալանքի միջնորդությունների մեծ մասը մերժվում է։ «Նախկինի նման կալանքները շատ չեն ներկայացվում, իսկ ներկայացված միջնորդությունների 95 տոկոսը չի բավարարվում»,- ասաց նա։
Մանրամասները՝ տեսանյութում։
