28.09.2026 | 22:28
Չեմ տեսել,որ եղել է,հետո հեռացվել է․ ՔՊ խմբակցության քարտուղարը՝ Ալբերտ Հովհաննիսյանի լուսանկարի մասին. ՏԵՍԱՆՅՈՒԹ
ՄԱԿ-ը պահանջում է բացահայտել սպանված սաուդցի լրագրողի գտնվելու վայրը
Քաղաքականություն
31.10.2018 | 11:28
ՄԱԿ-ի Մարդու իրավունքների գերագույն հանձնակատար Միշել Բաչելետը հայտարարել է, որ սպանված սաուդցի լրագրող Ջամալ Խաշոգջիի դատավարության գործում անհրաժեշտ է միջազգային կառույցների ու փորձագետների մասնակցությունը․ հաղորդում է aljazeera.com-ը։
Նա շեշտել է, որ միջազգային քննիչների համար դեպքի բոլոր վկայություններն ու ապացույցները հասանելի պետք է լինեն, որպեսզի հանցանքը հնարավորինս արագ բացահայտվի։
«Բաց և քաղաքական ազդեցությունից զերծ հետաքննության իրականացման մեջ միջազգային փորձագետների մասնակցությունը խիստ կարևոր է»,- նշել է Միշել Բաչելետը։
Նա նաև հորդորել է Սուդյան Արաբիային բացահայտել սպանված լրագրողի գտնվելու վայրը, որպեսզի հնարավոր լինի դատաբժշկական փորձաքննություն և դիահերձում կատարել։
Հիշեցնենք, որ Ջամալ Խաշոգջին սպանվել է հոկտեմբերի 2-ին՝ Ստամբուլում Սաուդյան Արաբիայի հյուպատոսարանում։ Սպանության հնարավոր վարկածների շարքում Սաուդյան Արաբիայի՝ Յեմենի դեմ քիմիական զենք կիրառելու մասին բացահայտումներն են։
