05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Արթուր Սերոբյան. Բոլորը տեսնում են, թե ինչ է փոխել Եղիշե Մելիքյանը
14.11.2025 | 11:40
Հայաստանի ազգային հավաքականի կիսապաշտպան Արթուր Սերոբյանը խոսել է ԱԱ-2026-ի ընտրական մրցաշարի F խմբի 5-րդ տուրում Հունգարիայի հավաքականից կրած 0։1 հաշվով տնային պարտության մասին։
«Շատ լավ հանդիպում անցկացրեցինք։ Երկրորդ խաղակեսում տիրում էինք խաղին, ոչ պարտադիր գոլ բաց թողեցինք, բայց սա ֆուտբոլ է։ Կարծում եմ՝ արժանի չէինք պարտության, բայց չկարողացանք գոլ խփել։ Շարժվում ենք առաջ, պատրաստվում ենք հաջորդ հանդիպմանը։
Բոլորը տեսնում են խաղադաշտում, թե ինչ է փոխել Եղիշե Մելիքյանը։ Կարծում եմ՝ հիմա լրիվ ուրիշ ֆուտբոլ ենք խաղում։ Բոլորդ տեսաք, որ Հունգարիայի նման թիմի դեմ երկրորդ խաղակեսում տիրում էինք նախաձեռնությանը։ Ամեն ինչ դեռ առջևում է։ Ավելի ենք բարելավելու, հաղթանակները դեռ առջևում են»,- ասել է «Արարատ-Արմենիայի» ֆուտբոլիստը, հաղորդում է ՀՖՖ մամուլի ծառայությունը։
Հիշեցնենք, որ այդ պարտությունից հետո Հայաստանի հավաքականը կորցրել էր 2026թ. աշխարհի առաջնության ընտրական փուլի արգելքը հաղթահարելու շանսերը: Եղիշե Մելիքյանի գլխավորած թիմն ընտրական փուլը կավարտի նոյեմբերի 16-ին Պորտուի «Դրագաու» ստադիոնում՝ մրցելով խմբի առաջատար Պորտուգալիայի հավաքականի հետ։
