07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Մարկո Ռոսին բարդ խաղ է ակնկալում Հայաստանի հավաքականի դեմ
12.11.2025 | 22:28
Հունգարիայի հավաքականի գլխավոր մարզիչ Մարկո Ռոսին նախախաղային ասուլիսում անդրադարձել է Հայաստանի հավաքականի դեմ ԱԱ-2026-ի եվրոպական գոտու ընտրական մրցաշարի F խմբի 5-րդ տուրի հանդիպմանը, որը կկայանա նոյեմբերի 13-ին Վազգեն Սարգսյանի անվան «Հանրապետական» ստադիոնում։
«Գիտենք, թե որքան բարդ է լինելու վաղվա խաղում, քանի որ Հայաստանի հավաքականը խաղալու է տանը: Չենք թերագնահատում մրցակցին, դա անմտություն կլիներ մեր կողմից: Գիտենք, որ Հայաստանի հավաքականը շատ բարդ մրցակից է, եթե նրանց ազատություն ու խաղային տարածություն տաս:
Այստեղ ենք եկել հաղթանակի համար, բայց գիտենք, որ հեշտ չի լինի: Կարծում եմ՝ լավ ենք պատրաստվել, մոտիվացված ենք և պատրաստ կատարելու մեր աշխատանքը:
Բարդ է կանխատեսել, թե ինչպես կխաղա Հայաստանի հավաքականը: Երբ թիմն ունենում է կորուստներ, փոխում է խաղի բնույթը»,- նշել է իտալացի մասնագետը։
Հիշեցնենք, որ առաջին շրջանի խաղում հունգարացիները 2։0 հաշվով հաղթել են Հայաստանի հավաքականին։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
