29.07.2026 | 17:53
Զելենսկին Թրամփից 300 Patriot հրթիռ է խնդրել՝ ձմռանն Ուկրաինայի էներգետիկ ոլորտը պաշտպանելու համար
Վրաստանի նախկին վարչապետ Գիորգի Գախարիայի նկատմամբ քրեական գործ է հարուցվել
Քաղաքականություն
12.11.2025 | 16:59
Վրաստանի դատախազությունը հետաքննություն է սկսել Վրաստանի նախկին վարչապետ Գիորգի Գախարիայի նկատմամբ։ Այս մասին այսօր կայացած ճեպազրույցի ժամանակ հայտարարել է Վրաստանի գլխավոր դատախազ Գիորգի Գվարաքիձեն։
Նրա խոսքով՝ գործը վերաբերում է 2019 թվականի հունիսի 20-21-ի իրադարձություններին և Չորչանայի միջադեպերին։ Մասնավորապես, խոսքը խորհրդարանի շենքի մոտ բողոքի ակցիայի ժամանակ երկուսից ավելի անձանց դիտավորյալ ծանր մարմնական վնասվածք հասցնելու կազմակերպման, ինչպես նաև պետական քաղաքական պաշտոն զբաղեցնող անձի կողմից պաշտոնեական լիազորությունների չարաշահման մասին է։
Հրաժարականից հետո կուսակցություն ստեղծած և ընդդիմության շարքերը համալրած Գիորգի Գախարիան ներկայում Գերմանիայում բնակվում։
Առաջադրված մեղադրանքներով նրան մինչև 19 տարի ժամկետով ազատազրկում է սպառնում։
Թարգմանությունը՝ Էմմա Չոբանյանի
