19.08.2026 | 18:44
«Եթե տղամարդավարիով է, բա ինչի՞ պարոն Ղազինյանը դուրս գնաց, ասել էր` չեմ գնում». Ալեքսանյան․ ՏԵՍԱՆՅՈՒԹ
Աբովյան քաղաքի կենտրոնում դանակահարությունից հետո վարույթ է նախաձեռնվել սպանության և խուլիգնության հատկանիշներով
Հասարակություն
11.11.2025 | 12:03
Երեկ Կոտայքի մարզի Աբովյան քաղաքում դանակահարություն է տեղի ունեցել, ինչի հետևանքով մեկ հոգի մահացել է, մյուսը վիրավորվել։
Ինչպես հայտնում են Ներքին գործերի նախարարությունից, ժամը 17:30-ի սահմաններում, ՆԳՆ ոստիկանության քրեական ոստիկանության գլխավոր վարչության Կոտայքի մարզի քրեական վարչություն ահազանգ է ստացվել «Աբովյան» բժշկական կենտրոնից և հայտնել են, որ դանակահարության հետևանքով «Աբովյան» բժշկական կենտրոն է տեղափոխվել 2 քաղաքացի: Ավելի ուշ, վիրավորներից մեկը գիտակցության չգալով մահացել է։
Ինչպես Factor TV-ին հայտնում են Քննչական կոմիտեից՝ դեպքի առթիվ նախաձեռնվել է քրեական վարույթ՝ սպանության, առողջությանը միջին ծանրության վնաս պատճառելը, խուլիգանության հատկանիշներով.։
«Նախաքննության ընթացքում նշանակվել են դատագենետիկական և դատաբժշկական փորձաքննություններ»,- նշեց ՔԿ մամուլի քարտուղար Կիմա Ավդալյանը։
Ռոզա Վարդանյան
