05.06.2026 | 11:20
Հայ շախմատիստների արդյունքները կանանց ԵԱ-ի վերջին տուրից առաջ
Ուգոչուկվու Իվուն չի միանա Հայաստանի հավաքականին
09.11.2025 | 21:54
Հայաստանի ազգային հավաքականի կիսապաշտպան Ուգոչուկվու Իվուն չի կարողանա մասնակցել Հունգարիայի և Պորտուգալիայի թիմերի դեմ ԱԱ-2026-ի ընտրական մրցաշարի F խմբի հանդիպումներին, հաղորդում է ՀՖՖ մամուլի ծառայությունը։
Կազանի «Ռուբինի» 25-ամյա ֆուտբոլիստը նոյեմբերի 8-ին մկանային վնասվածք է ստացել «Պարի Նիժնի Նովգորոդի» դեմ Ռուսաստանի Պրեմիեր լիգայի 15-րդ տուրի խաղում (0։0) ու փոխարինվել 82-րդ րոպեին։
Հիշեցնենք, որ Հայաստանի հավաքականը նոյեմբերի 13-ին Վազգեն Սարգսյանի անվան «Հանրապետական» մարզադաշտում կընդունի հունգարացիներին, իսկ 3 օր անց Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
