14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ինչ անել, եթե վայրի կենդանի հայտնվի բնակավայրում. անվտանգության ուղեցույց
09.11.2025 | 20:35
Վերջին շրջանում հաճախակի են դարձել դեպքերը, երբ արջեր, գայլեր, աղվեսներ կամ այլ վայրի կենդանիներ մոտենում են մարդկանց բնակավայրերին։ Շրջակա միջավայրի նախարարության փոխանցմամբ՝ այս իրավիճակներում կարևոր է պահպանել հանգստություն և ճիշտ գործողություններ ձեռնարկել՝ սեփական և շրջապատի անվտանգության համար։
«Առաջին հերթին ՉՏԱՐՎԵԼ կենդանուն լուսանկարելու կամ տեսանկարահանելու գայթակղությամբ և ցուցաբերել հոգատարություն բնության նկատմամբ։
Եթե վայրի կենդանի եք տեսել․
Չմոտենաք կենդանուն և չփորձեք կերակրել կամ վախեցնել,
Անմիջապես տեղեկացրեք Շրջակա միջավայրի նախարարության «Թեժ գիծ»-ին՝ 374 11 818555, նախարարության աշխատակիցները ճիշտ ուղղորդում կիրականացնեն կամ կկազմակերպեն կենդանու անվտանգ տեղափոխման գործընթացը,
Կարող եք նաև տեղեկացնել 911 Փրկարար ծառայությանը, եթե կենդանին վտանգ է ներկայացնում մարդկանց կամ ընտանի կենդանիների համար»,- ասված է հաղորդագրության մեջ։
